Hero's Friday (黃埔新邨) (已結業)

次次經過都比佢好香嘅漢堡包味吸引住住今次終於一試。雖然佢呢間係漢堡包店，但我反而比佢嗰個全港首創班堡吸引。最後叫咗一個豬柳蛋班堡套餐。$48都算抵食。唔知係新開多人客原因，定係即整製作需時，都等咗20分鐘先岀餐。好似有d耐。佢舖頭入面有個雪櫃，汽水係自己攞。食物方面，個包真係有質素，超級厚，一啖係咬唔晒架，佢個蛋起碼有兩隻，好厚好多。而且兩塊班堡都厚厚地，所以淨係食一個包都已經夠晒飽。至於薯條，真係即炸，熱辣辣好好味，大大條好足料。總結，雖然等得有啲耐，不過好食嘅嘢係值得等待的。