寢宮

營業中

休息中

諾士佛臺酒吧林立，氣氛非常熱鬧同嘈雜，如果想chill 住食嘢傾計，都會揀樓上酒吧餐廳。一入去見到桌球枱同beer pong枱，牆上畫咗油畫， 不過最吸睛係雲朵同鞦韆，雲朵不斷變色，仲有啲似ufo飛碟，好得意。🤣配合西方流行歌，氣氛超好。 🥓前菜有Parma ham配哈密瓜，仲有煙三文魚&凱撒沙律 ， 尚算新鮮，幾開胃 ，適合伴酒。 是日餐湯嘅款式會有變化，當日係南瓜湯，味道濃郁而不膩。 🍗火焰烤雞 $328即叫即製，店員將雞放上枱後，會淋上酒，然後烤雞就燃燒起來，畫面好壯觀，店員會入廚房砌件先。 外皮經過烤製更顯酥脆，雞肉亦保持著肉汁，好快被清空。 🍗自家製雞翼炸得香脆同幾乾身，配埋香辣酸汁，不過不失，但一啖酒一啖炸物係幾夾。 🥭楊枝甘露幾足料，有芒果肉同柚子肉，唔會過甜，面頭有金箔點綴。🫖Earl grey remix賣相有啲似凍OT,茶香味唔算突出，係食完油膩野用嚟清下口腔。