Tardemah (K11 Musea) (已結業)

夜晚係k11 musea食完飯，發現都開咗唔少麵包鋪，間間都幾香，好吸引haha。由於想買啲飽肚啲又可以比屋企人做早餐嘅麵包，見呢間主要好似係賣原條方包為主，最後決定試下。麵包店另設堂食區，下午茶時段可以坐低吹下水都不失為樂事。店員主要係韓國姨姨，佢地會好熱情咁用中文同英文詞彙介紹啲包，款式都幾特別。-辣雞方包方包顏色整體呈現咖喱黃色，而味道其實都同印度咖喱幾似。麵包口感帶點濕潤，雞肉頗冶味，入面加咗唔少洋蔥提香，不過我自己就唔太好洋蔥。-藍莓忌廉芝士方包基本上每啖都食到忌廉芝士，但又未至於膩口，份量算適中。亦食到清新藍莓味，淡淡果香幾適合朝早食。