彩雲軒 (已結業)

初三赤口, 根據中國人習俗唔會去拜年. 每年我班中學同學都會響呢日出來飲茶團拜.今年揀咗響將軍澳呢間酒店6樓嘅彩雲軒. 一早BOOK咗都要繼續等位.........交通算方便, 就係將軍澳地鐵站POPCORN上面，地方佈置都舒適. 呢間有好多特色點心, 而且響新春期間無乜點加價, 價錢都算OK. 燒腩仔好食, 皮脆肉滑, $68. 魷魚鬚都唔錯, 係大人小朋友嘅最愛. 炸豆腐賣相好靚, 而且香脆可口!!! 鯪魚球以咁精緻形式上枱, 都算少見!最誇都算係呢個棉花雞, 以鐵板上; 不過我又食唔出同平時有乜好大分別.