影片
更多
2018-03-01
1630 瀏覽
初二晚約左幾個相識十幾年晚老友，大家帶埋啲細路出黎食開年飯，今年好多地方都唔係未開就一係訂唔到枱，好在最後比我醒起黃大仙下邨既大排檔一定有開，打電話去醉和里訂位。三個大人三個小朋友，一人點一菜，例牌比細路點先，唔夠先再加單。金菇肥牛沙嗲煲：呢個菜一向都係好好送飯，個汁唔會太杰，又唔太稀，肥牛都唔太老，呢個煮得好好！沙嗲牛仔骨：小朋友真係比較鐘意食肉，牛仔骨都整得好好食，個汁較得好好，但我就覺得肉有啲靭蒜蓉豆苗：大多數地方豆苗都好難話炒得唔好食！呢個都一樣咁好食😋蠔仔粥：始終唔係正宗潮式食店煮既，點都係較遜色椒鹽鮮魷：我個人一向唔鐘意食魷魚，所以無食過唔知咩味道，但小朋友食完又再點多次，睇黎應該唔差，但真係咁好食？豬頸肉炒公仔麵：呢個公仔麵炒得還可以，只係唔夠鑊氣，但都係好食既美極蝦：呢個有點中伏了！店員同我地講又話啲蝦好大隻，等我仲以為係虎蝦之類，點知黎到咁細隻，呢碟蝦$178，唔抵食！不過見佢都整得幾好食就算數啦！豉汁蒸烏頭：我最愛食魚，大多數都會點魚，條魚都蒸得好滑，係豆豉多左啲，另外，我睇餐牌時係明明睇到烏頭價錢係$88，我又係貪佢好意頭，唔知點解張單條魚變左$128，不過見12
三個大人三個小朋友，一人點一菜，例牌比細路點先，唔夠先再加單。
金菇肥牛沙嗲煲：
呢個菜一向都係好好送飯，個汁唔會太杰，又唔太稀，肥牛都唔太老，呢個煮得好好！
沙嗲牛仔骨：
小朋友真係比較鐘意食肉，牛仔骨都整得好好食，個汁較得好好，但我就覺得肉有啲靭
蒜蓉豆苗：
大多數地方豆苗都好難話炒得唔好食！呢個都一樣咁好食😋
蠔仔粥：
始終唔係正宗潮式食店煮既，點都係較遜色
椒鹽鮮魷：
我個人一向唔鐘意食魷魚，所以無食過唔知咩味道，但小朋友食完又再點多次，睇黎應該唔差，但真係咁好食？
豬頸肉炒公仔麵：
呢個公仔麵炒得還可以，只係唔夠鑊氣，但都係好食既
美極蝦：
呢個有點中伏了！店員同我地講又話啲蝦好大隻，等我仲以為係虎蝦之類，點知黎到咁細隻，呢碟蝦$178，唔抵食！不過見佢都整得幾好食就算數啦！
豉汁蒸烏頭：
我最愛食魚，大多數都會點魚，條魚都蒸得好滑，係豆豉多左啲，另外，我睇餐牌時係明明睇到烏頭價錢係$88，我又係貪佢好意頭，唔知點解張單條魚變左$128，不過見128又係好意頭就無出聲喇😎但我認為如果係店員可能見我地6個人，幫我揀條重身啲既，咁應該要先通知食客，最好就唔好令人懷疑啦係咪😉
張貼
