影片
更多
2018-11-30
836 瀏覽
平時食日本野都係食刺身同鍋物，食磯燒海鮮真係第一次，好彩有好朋友帶路，今日嚟到謝斐道的一間居酒屋。店內充滿日式懷舊船艙佈置,甚有漁村既氣氛。店內有個大魚缸裝滿當天由日本直送的海鮮，一場黎到都唔試吓咁新鮮嘅海鮮就真係走寶啦！先來一個主打菜式，黑蟹王甲羅燒，今次為咗配合餐廳嘅季節限定所以甲羅燒上加上黑椒。黑椒同蟹膏配合得剛好，令蟹肉的鮮味提升減少腥味，蟹膏蟹肉簡直是我的摯愛。一個甲羅燒當然唔夠喉啦，我今晚還點了刺身有油甘魚，三文魚，帶子和當天直送的梭子魚。第一次食梭子魚，肉質彈牙，煙煙靱靭，不錯👍🏻再嚟一客焱丸號壽司，壽司飯面頭都鋪上滿滿的材料，有三文魚子，海膽，松葉蟹腳和龍蝦沙律，選料一點也不馬虎。帆立殼方面，我們選了松葉蟹膏同三文魚子兩種款式，兩款的味道各有千秋，一款配有牛油和清酒，另一款則配上燒汁，職員熟練的手勢三兩下功夫我哋就可以品嚐新鮮和大粒的帆立貝啦。黑天婦羅是用左黑碳粉，賣相當然是黑色的，不過味道同一般嘅天婦羅沒有大嘅分別。最後食左白蛤磯燒，一路燒一路淋上清酒，白蛤鮮味非常，海水味濃，所以話新鮮既材料吾駛用花巧既烹調方式，都能夠令人大快朵頤。全程職員都很禮貌地解釋食材烹調嘅過
先來一個主打菜式，黑蟹王甲羅燒，今次為咗配合餐廳嘅季節限定所以甲羅燒上加上黑椒。黑椒同蟹膏配合得剛好，令蟹肉的鮮味提升減少腥味，蟹膏蟹肉簡直是我的摯愛。
一個甲羅燒當然唔夠喉啦，我今晚還點了刺身有油甘魚，三文魚，帶子和當天直送的梭子魚。第一次食梭子魚，肉質彈牙，煙煙靱靭，不錯👍🏻
再嚟一客焱丸號壽司，壽司飯面頭都鋪上滿滿的材料，有三文魚子，海膽，松葉蟹腳和龍蝦沙律，選料一點也不馬虎。
帆立殼方面，我們選了松葉蟹膏同三文魚子兩種款式，兩款的味道各有千秋，一款配有牛油和清酒，另一款則配上燒汁，職員熟練的手勢三兩下功夫我哋就可以品嚐新鮮和大粒的帆立貝啦。
黑天婦羅是用左黑碳粉，賣相當然是黑色的，不過味道同一般嘅天婦羅沒有大嘅分別。
最後食左白蛤磯燒，一路燒一路淋上清酒，白蛤鮮味非常，海水味濃，所以話新鮮既材料吾駛用花巧既烹調方式，都能夠令人大快朵頤。
全程職員都很禮貌地解釋食材烹調嘅過程，整晚用餐的氣氛很好，為星期一晚上劃上開心輕鬆既句號。
張貼
