Tonkotsu 8 by 三田製麵所 (已結業)

Apita food court 重開  三田製麵所 旗下Tonkotsu 8   進駐。第一次食三田製麵所嘅拉麵，名古屋炸雞辣撈麵夠曬特別，炸雞好脆口，啱啱炸起，熱辣辣。個肉醬都幾辣㗎，撈埋其香蔥、玉子等配料，粒蛋黃金黃又新鮮，撈埋碗面好creamy，好味道。另外嘅經典豬骨湯拉麵，麵質好味，麵條幼身，風格像上海面。湯底唔會太鹹，無味精，夠晒健康。另外，薄切叉燒肉淋，又有好多蔥，我鍾意！加錢換埋餃子，同套餐，好滿足。上面所有野先$186，拉麵來說，我覺得價錢唔錯！