影片
更多
2019-04-10
207 瀏覽
今次有得食得咁豪，全靠我呢一對結婚滿一周年嘅好朋友。答謝為咗佢哋嘅婚禮仆心仆命嘅一班兄弟姊妹團，佢哋決定係一周年請我哋食一餐正嘅。咁有朋友就係OP到搵到呢一間話有得食近江A5級和牛既餐廳，喺香港有得食咁日本近江和牛嘅餐廳都唔係好多。啱晒個個都係食肉獸嘅我哋🥰每次去食日本野都會叫餐廳嘅清酒，咁啱餐廳做緊一個清酒放題，加$100就可以任飲指定清酒。用呢個價錢任飲清酒真係好抵😛，仲要係好飲。啱晒鍾意飲清酒嘅朋友去試吓。配埋幾種好啱送酒嘅前菜食👍👍👍以上兩款分別係味醂魚乾 ($118) 同埋 三點前菜 ($30)。估唔到前菜已經咁好食，味醂魚乾唔會燒到個魚乾晒。魚油燒到出晒嚟好香， 點埋沙律醬食好開胃。一口芝士($88)，呢個一口芝士充滿左香濃既芝士咪。一咬落去芝士真係會流晒出嚟。同樣可以點沙律醬一齊食，好唔錯嘅前菜。😆雜錦天婦羅($118) 呢個雜錦天婦羅入邊嘅材料有大蝦、茄子、秋葵、南瓜同埋冬菇。廚師處理得好好，唔會炸過龍令到個天婦羅冇晒原本食材嘅味道。鵝肝多士($98per2) 我哋六個人，一共叫咗六舊多士。上菜時大家都哇左一聲。唔止係因為見到厚厚嘅鵝肝鋪左係多士上邊，而且係鵝肝既香氣擁
咁有朋友就係OP到搵到呢一間話有得食近江A5級和牛既餐廳，喺香港有得食咁日本近江和牛嘅餐廳都唔係好多。啱晒個個都係食肉獸嘅我哋🥰
每次去食日本野都會叫餐廳嘅清酒，咁啱餐廳做緊一個清酒放題，加$100就可以任飲指定清酒。用呢個價錢任飲清酒真係好抵😛，仲要係好飲。啱晒鍾意飲清酒嘅朋友去試吓。配埋幾種好啱送酒嘅前菜食👍👍👍
以上兩款分別係味醂魚乾 ($118) 同埋 三點前菜 ($30)。估唔到前菜已經咁好食，味醂魚乾唔會燒到個魚乾晒。魚油燒到出晒嚟好香， 點埋沙律醬食好開胃。
一口芝士($88)，呢個一口芝士充滿左香濃既芝士咪。一咬落去芝士真係會流晒出嚟。同樣可以點沙律醬一齊食，好唔錯嘅前菜。😆
雜錦天婦羅($118)
呢個雜錦天婦羅入邊嘅材料有大蝦、茄子、秋葵、南瓜同埋冬菇。廚師處理得好好，唔會炸過龍令到個天婦羅冇晒原本食材嘅味道。
鵝肝多士($98per2)
我哋六個人，一共叫咗六舊多士。上菜時大家都哇左一聲。唔止係因為見到厚厚嘅鵝肝鋪左係多士上邊，而且係鵝肝既香氣擁緊埋嚟我哋到。本身好鍾意食鵝肝，加埋好香脆既多士。膽固醇超標都唔驚啦😂😂😂
食日本野啊點少得刺身！我哋叫咗呢個五品刺身拼盤入邊有五種唔同嘅刺身。刺身上面仲要鋪埋金箔，唔知好食賣相都一流呀！
原來除咗三文魚，之外其他幾種刺身都要提前預訂。唔預訂食唔到㗎，唔掛得好食到想喊😂
分別有：
1.磯煮鮑魚
鮑魚已經好好咁切開晒，呢個鮑魚超矜貴，食落就梗係好食啦。
2.活赤貝
赤貝係我最鍾意食嘅刺身之一，果然係新鮮日本空運到港。同喺其他餐廳食到嘅唔同，口感更加清爽同埋更甜😍
3.三文魚腩刺身
4.北海道海膽
餐廳比捉一版海膽，絕對冇偷工減料㗎。食到我哋LamLam脷，會買新鮮嘅紫菜一齊食啱晒呀
5.TORO刺身
牛禪既刺身真係好新鮮，黎餐廳食千祈唔好以錯過。但係某部份刺身係要需要一早預訂，鍾意食特別刺身嘅所以一早同餐廳溝通好先。
今晚嘅主角終於出場，係A5級近江和牛呀😍
($2970 1.5版)每個部位分別有六片和牛。
稱得上和牛盛宴梗係唔可以咁求其啦。侍應好好咁問我地洗唔洗幫我地燒牛肉食，但係我哋想自己試吓。所以佢哋就教左我地燒嘅方法同埋次序！呢一點真係好有心思，加分！
近江牛係日本三大和牛之一，但係過往就比較少見。主要係因為呢款牛肉以前係內銷，近幾年先逐漸出口到其他市場。果然呢一款牛肉冇令大家失望。和牛油脂分布平均，食落口軟綿綿。我個人最鍾意食係小排同埋西冷，貪佢又油份夠高，夠晒香口。但係燒既時候都要小心啲呀，千祈唔好燒窿晒左舊和牛。食緊個時簡直置身係個人間天堂咁。真係無跨張到😂，寫緊食評呢一刻都好想再食多次！
一餐盛宴中最後又點會少得甜品呢，因為牛禪隔離間泰國餐廳係同一個老細嘅關係。即係可以叫埋隔離餐廳嘅甜品，咁我哋就Order左一個芒果糯米飯($128)同埋榴槤糯米飯($128，期間限定)。好彩我又食芒果又食榴槤兩個都可以食晒佢。雖然大家都好飽，但係食甜品係另一個胃嚟㗎嘛🤣
芒果嗰個糯米飯入邊有黑白兩種色。芒果味道一啲都唔會酸😍配埋溫暖嘅椰汁一齊食好正呀。至於榴槤糯米飯就更加吸引我，榴槤分量夠多又好食。鍾意食榴槤嘅朋友千祈唔好錯過。
呢間餐廳我一定會再返試黎多幾次，希望餐廳保持呢個水準。下次再食返哩個盛宴！
張貼
