影片
更多
2024-05-26
3116 瀏覽
📍尖沙咀赫德道8A號Mondrian Hong Kong39樓 ✨#Carna By Dario Cecchini @Carna By Dario Cecchini 💰~HKD $5000 / 4人 (Dinner + 有飲酒) ~~~~~~~~~~~~~~~~~~~~~~~~~~~~~~公司嘅project終於完工嚕，所以老闆決定請我哋team食飯慶功🥳咁啱我一直都bookmark左呢間傳說中「世界第一屠夫」嘅扒房🤤所以我哋一行4人就決定左去位於尖沙咀Mondrian Hong Kong嘅「Carna By Dario Cecchini」食慶功宴。 餐廳位於酒店嘅頂樓，喺酒店大門隔離係有一條垂直電梯上去，期間可以觀賞尖沙咀嘅景色，上到去餐廳嘅staff會立刻來招待我哋，而入口處已經有welcome drink & snacks 俾客人。我哋嘅位置係正窗邊，啱啱好可以飽覽維港嘅夜景🌃 想讚一讚餐廳嘅侍應，由我地上到去餐廳嘅一刻開始，都非常有禮熱情地招待，每一道菜都會細心介紹，order食物同酒個陣，佢哋都會好有耐心地介紹同俾意見，係服務上完全無野可以挑剔💯~~~~~~~~~~~~食物介
✨#Carna By Dario Cecchini
@Carna By Dario Cecchini
💰~HKD $5000 / 4人 (Dinner + 有飲酒)
~~~~~~~~~~~~~~~~~~~~~~~~~~~~~~
公司嘅project終於完工嚕，所以老闆決定請我哋team食飯慶功🥳咁啱我一直都bookmark左呢間傳說中「世界第一屠夫」嘅扒房🤤所以我哋一行4人就決定左去位於尖沙咀Mondrian Hong Kong嘅「Carna By Dario Cecchini」食慶功宴。 餐廳位於酒店嘅頂樓，喺酒店大門隔離係有一條垂直電梯上去，期間可以觀賞尖沙咀嘅景色，上到去餐廳嘅staff會立刻來招待我哋，而入口處已經有welcome drink & snacks 俾客人。我哋嘅位置係正窗邊，啱啱好可以飽覽維港嘅夜景🌃 想讚一讚餐廳嘅侍應，由我地上到去餐廳嘅一刻開始，都非常有禮熱情地招待，每一道菜都會細心介紹，order食物同酒個陣，佢哋都會好有耐心地介紹同俾意見，係服務上完全無野可以挑剔💯
~~~~~~~~~~~~食物介紹~~~~~~~~~~~~
🤩Prosciutto Toscano 24 Months ($268 HKD)
Ham食落好香，但又唔會太油膩同太鹹，再配上餐廳自家醃製嘅蜂蜜酸瓜，十分有風味。
🤩Chianti Tartare ($298 HKD)
餐廳staff會推架車仔到客人餐桌前，即席製作他他，期間亦會不停講解。今次係我第一次食牛肉他他，好有驚喜。首先，食落非常新鮮，一啲腥味都無，同時肉質軟嫩得來唔會太肥膩，製作時見到staff並無落好多嘅調味料，都係少許嘅香料，鹽，橄欖油同大蒜等等，所以牛肉本身嘅鮮味好突出。
🤩Burrata E Pomodoro Cimelio ($248 HKD)
Burrata cheese喺我每次食意大利菜都必叫嘅一款前菜。呢到嘅Burrata cheese非常清新，唔會太鹹同膩，非常開胃。
🤩Bistecca Alla Fiorentina 🥩($1980 HKD)
來到世界第一屠夫嘅扒房，點少得主角牛扒，難得慶功宴，我地一於就叫最貴嗰款porterhouse。同頭先嘅他他一樣，staff都會係推住架車仔來到桌前，即席為我地切塊牛扒，而切之先，餐廳會好細心地先展示整塊未切的牛排同埋幫我地合照。 45日乾式熟成嘅澳洲黑安格斯porterhouse，食落肉味濃郁。我地order左五成熟，個熟度都控制得恰到好處。餐廳除左鹽之外仲另外提供了五種醬汁選擇，包括Béarnaise、綠胡椒、Chimichurri、松露醬和紅酒醬，不過我覺得淨係落鹽已經好足夠。
🤩Polpo alla Griglia🐙 ($348 HKD)
呢份係我暫時食過最軟嫩嘅八爪魚，一啲都唔會韌，而且味道鮮甜，調味唔會過重覆蓋咗八爪魚嘅鮮味，另外伴碟嘅蔬菜口味清甜，同八爪魚搭配一齊食，味道層次豐富。
🤩Tiramisù di Casa ($208 HKD)
最後點少得正宗嘅意大利Tiramisu，份量非常大，足夠我哋四個人分享，雖然好大個，但味道一樣出色，唔會甜到漏，亦唔會好膩。
~~~~~~~~~~~~~~~~~~~~~~~~~~~~~~
🥩🇮🇹非常高質嘅意大利扒房
💯滿分嘅服務
👍絕對會encore再試埋其他食物
💰價錢唔平但值得
張貼
