WM Café & Bar (雅濤居購物商場)

營業中

休息中

🔹WM Cafe & Bar🔹今日去咗馬鞍山做嘢，收工經過呢間cafe，員工好熱情好有禮貌邀請我哋入去食吓嘢，我同朋友就入去試吓。餐廳好大，位置好闊落，坐得好舒服。我同朋友兩個人，坐嘅卡位幾乎可以坐六個人呢！而且仲係類似梳化嘅櫈背，正。我同朋友一人叫咗一個晚餐，會跟一個餐包、一個餐湯。🍞　餐包餐包食落感覺似蛋糕仔，入面仲有啲紅色嘅類似紅莓嘅嘢。🦞 忌廉龍蝦湯餐湯可以揀龍蝦湯或者番茄湯，龍蝦湯超好飲，入黎呢間餐廳一定要飲呢個，十分濃郁、又creamy，超推薦！🍏G. 鹿兒島黑豚西冷配檸檬帶子青蘋果絲 （$98）望落細細份嘅牛扒，估唔到食落都幾飽吓！而且味道層似豐富，有青蘋果同檸檬帶子吊出清新嘅口味。🥐 H. WM威靈頓牛柳 （$128）呢次係我第一次食wellington beef，超驚喜！上菜時見到一個類似酥皮包嘅物體，一切開，就見到入面嘅牛肉。酥皮非常鬆脆，牛肉嘅味道都好突出，係個好好嘅體驗。