Small Potato Ice Creamery (已結業)

一向都中意紫薯香，得知Small Potato 專賣紫薯雪糕，當然要黎潮聖一下，位於cwb但應該算係大坑，之前有幫襯呢條街既店，但就真係冇發現唔Small Potato，太唔起眼啦 (泣)。店仔細細冇乜裝修，坐既位亦唔多，但你可以選擇企喺到食，牆上既手繪紫薯確係cutie，令店內有增添左一點氣色。Cashier側有2個小擺設，比起牆上既畫更吸引，前面果2隻小蕃薯好可愛啊！可以既話我想帶佢地回家 (笑)。店中主要賣2種味道，分別係紫薯及海鹽，老實講選擇並唔多喔！白色巨塔 $48，嘩...個賣相真係唔多掂，睇圖都唔係咁既，果粒紫薯似一粒”C"，仲有紅豆及mochi，絕對吸引唔到我，算啦，食啖雪糕啦，oh...好重鹽味，但似乎搶左雪糕本身既甜味，食食下覺得好咸添，雪糕質地未算好滑但可接受，減鹽會好好多。蕃薯三兄弟 $40，topping係紅豆、脆米&一粒細紫薯，賣相又係。。。哈哈哈哈！脆米本身唔脆，浸一陣就林哂，紫薯雪糕內有輕微粉粉的紫薯蓉，紫薯味濃，我仲好似食到有少少薑味添，不過太甜啦，食食下好膩。2杯都食左一半就棄權，對我黎講一杯太咸，一杯太甜啦。