Bless Cold-Pressed Juice (已搬遷) 新店位置

行銅鑼灣突然有啲口渴，男朋友仔就話帶我去果汁店。起初以為係鮮榨果汁，原來係冷壓果汁。聽講冷壓果汁嘅處理方法係可以保存到更多營養，感覺好似健康啲。店員禮貌地俾咗幾款我試飲，但我最終都係揀返「菠蘿茉莉茶 Pineapple Jasmine Tea」，驚喜嘅係茶類可以揀暖嘅，適合返呢幾日涷冰冰嘅天氣，唔鍾意飲凍嘢嘅女士亦啱晒！揀「菠蘿茉莉茶」係貪佢帶波蘿味甜甜地又夠 refreshing，茉莉茶又清清地，味道剛好唔會太甜，只係細樽咗啲姐！