北正宗 (已搬遷) 新店位置

看到報紙介紹，今晚專程來到新蒲崗的「北正宗」試下。2個人叫左：1）街頭爆炒鴨舌 - 用乾葱蒜辣椒粒爆炒鴨舌，味道好惹味，鴨舌亦好入味，送酒之選。2）脆炸蟹肉香葉肉碎米紙球 - 顧名思義，用上米紙包著不同的材料再炸，拌著魚露及酸蘿白絲同吃。大大的球已經一開二，先不點任何汁放入囗咬一啖，很脆很香口。內𥚃材料豐富，有蟹肉、肉碎、香葉、粉絲、木耳絲等，加上魚露及酸蘿白絲一齊食，不會太油，推介！3）農村咖哩燴走地鴨 - 咖哩有香濃椰汁帶少許甜味，鴨肉唔鞋，而且份量頗多，如果再炆淋d會更好，沒有薯仔，取而代之係鵪鶉蛋，唔錯！4）法包 - 應該叫做法式多士，切成薄薄的，烘得脆囗。5）飲品 - 兔仔叫左河內啤酒，兔女就叫左青檸梳打。第一次飲河內啤酒，味道比西貢啤酒濃。青檸梳打夠酸夠凍，正！