影片
更多
2018-10-23
65 瀏覽
今日兩個人初嚐油麻地嘅土耳其菜。餐廳位於一酒店嘅高層，一入去有個開放式調酒吧。餐廳內座位闊落，播著一首首英文舊歌頗有情調。二人一共點左湯，沙律，薄餅同一主菜。扁豆湯（$78）我第一次飲，望落橙色似南瓜湯，飲落質感似薯仔湯。加左啲香料令到個湯嘅味幾特別。JD EURO Salad （$75）有青瓜，蘿蔔，車厘茄，另外沙律菜全部都好新鮮，以醋調味，清新開胃。JD Euro薄餅（$150）配料好豐富，有羊肉粒，三色椒，磨菇，西蘭花，仲有車打芝士，餅底係中東嗰種薄餅皮，我將個薄餅捲埋嚟食，好似啲捲餅咁，呢個好好味！羊架配飯（$180）有三大件羊架，算大份，羊架肉質好靚，燒得唔錯，一人一件半好滿足。老闆突然話請我地飲土耳其特式咖啡，起初都嚇左一跳，原來佢話佢間中都會送啲小甜品畀客人，而且呢隻咖啡係冇咖啡因所以夜晚飲都唔怕！佢仲邀請我地睇煮咖啡過程，原來係用熱沙煮，啲咖啡喺個杯仔度會滾起上升，倒咁啲出嚟，再放返入沙中又會再滾起，好似變魔術越來越多咁，好得意！咖啡好香，老闆仲送左少少土耳其棉花糖畀我地餸咖啡，好似龍鬚糖咁一絲絲。呢餐平均每人食左$265，環境寧靜適合朋友約會聊天，食物有特色，質素亦屬
二人一共點左湯，沙律，薄餅同一主菜。
扁豆湯（$78）我第一次飲，望落橙色似南瓜湯，飲落質感似薯仔湯。加左啲香料令到個湯嘅味幾特別。
JD EURO Salad （$75）有青瓜，蘿蔔，車厘茄，另外沙律菜全部都好新鮮，以醋調味，清新開胃。
JD Euro薄餅（$150）配料好豐富，有羊肉粒，三色椒，磨菇，西蘭花，仲有車打芝士，餅底係中東嗰種薄餅皮，我將個薄餅捲埋嚟食，好似啲捲餅咁，呢個好好味！
羊架配飯（$180）有三大件羊架，算大份，羊架肉質好靚，燒得唔錯，一人一件半好滿足。
老闆突然話請我地飲土耳其特式咖啡，起初都嚇左一跳，原來佢話佢間中都會送啲小甜品畀客人，而且呢隻咖啡係冇咖啡因所以夜晚飲都唔怕！佢仲邀請我地睇煮咖啡過程，原來係用熱沙煮，啲咖啡喺個杯仔度會滾起上升，倒咁啲出嚟，再放返入沙中又會再滾起，好似變魔術越來越多咁，好得意！咖啡好香，老闆仲送左少少土耳其棉花糖畀我地餸咖啡，好似龍鬚糖咁一絲絲。
呢餐平均每人食左$265，環境寧靜適合朋友約會聊天，食物有特色，質素亦屬唔錯，推薦畀鍾意試新野嘅朋友。
張貼
