影片
更多
2023-08-01
2121 瀏覽
最近煩心事一堆堆，週末決定去大吃一餐抒發下😀。.素愛酸甜開胃嘅味道，今次就試咗牛陣嘅夏祭限定蕃茄壽喜燒湯底，湯底以自家調配嘅壽喜燒汁，加入原粒鮮蕃茄熬煮而成，上檯時候已經有加入多種當造野菜，貌相甚佳，亦令湯底更添清爽。#澳洲產特上長期穀飼牛及北海道四元豚套餐：介紹完番茄壽喜燒湯底，就講下90分鐘嘅放題任食有咩好推介～首先第一樣梗係肉肉肉肉肉🥩，穀飼牛雪花分布平均，紋理細膩，入口富牛脂香氣；四元豚則肉質柔軟有彈性，沒有半點羶味；歐洲產豚肉雖然唔係呢一個套餐嘅主打但係質素都有驚喜，食落去嘅口感四元豚肥啲啲，冇咁有彈性，但係肉脂味突出少少，兩者各有千秋。中意海鮮的話，亦有蟹籽蝦滑、原隻魷魚仔、墨魚等等可以電話掃碼下單。自助吧食物推介：🥬野菜：推薦蕃茄、冬瓜、秋葵、蟹味菇、羽衣甘藍、生菜等等，全部都係好夾蕃茄壽喜燒湯底嘅菜款，尤其係索汁之餘又可以令湯底更清新嘅冬瓜。🍢關東煮：油揚年糕、蘿蔔、鵪鶉蛋（提提大家年糕去得超快，手快有手慢冇）🍦Häagen-Dazs：四款口味任食（藍莓、焦糖果仁、士多啤梨、馬卡龍雙重朱古力口味等🥨炸物：黑糖糍粑（黏糯爆漿）、炸魷魚圈（魷魚鮮味及油炸香氣並存，任食質素黎
.
素愛酸甜開胃嘅味道，今次就試咗牛陣嘅夏祭限定蕃茄壽喜燒湯底，湯底以自家調配嘅壽喜燒汁，加入原粒鮮蕃茄熬煮而成，上檯時候已經有加入多種當造野菜，貌相甚佳，亦令湯底更添清爽。
#澳洲產特上長期穀飼牛及北海道四元豚套餐：
介紹完番茄壽喜燒湯底，就講下90分鐘嘅放題任食有咩好推介～首先第一樣梗係肉肉肉肉肉🥩，穀飼牛雪花分布平均，紋理細膩，入口富牛脂香氣；四元豚則肉質柔軟有彈性，沒有半點羶味；歐洲產豚肉雖然唔係呢一個套餐嘅主打但係質素都有驚喜，食落去嘅口感四元豚肥啲啲，冇咁有彈性，但係肉脂味突出少少，兩者各有千秋。中意海鮮的話，亦有蟹籽蝦滑、原隻魷魚仔、墨魚等等可以電話掃碼下單。
自助吧食物推介：
🥬野菜：
推薦蕃茄、冬瓜、秋葵、蟹味菇、羽衣甘藍、生菜等等，全部都係好夾蕃茄壽喜燒湯底嘅菜款，尤其係索汁之餘又可以令湯底更清新嘅冬瓜。
🍢關東煮：
油揚年糕、蘿蔔、鵪鶉蛋（提提大家年糕去得超快，手快有手慢冇）
🍦Häagen-Dazs：
四款口味任食（藍莓、焦糖果仁、士多啤梨、馬卡龍雙重朱古力口味等
🥨炸物：
黑糖糍粑（黏糯爆漿）、炸魷魚圈（魷魚鮮味及油炸香氣並存，任食質素黎講好唔錯）、炸花枝丸（裡面真係有粒粒花枝）
▶︎最近做緊活動，最後有個拉繩小遊戲玩～🤣贏咗個Donki粟米棒🌽
張貼
