川粵小食 (已搬遷) 新店位置

大大話話都幫襯左呢間小店半年，因為真係又方便又好味。雖然好多時都係買外賣，但總有時間係堂食既。因為成日食既緣故，已經唔知幾耐無睇過餐牌啦，係一次機緣巧合既情況底下聽到其他客人叫干拌麵，亦都親眼見過係咩黎之後，就決定試下啦。「干拌麵」其實即係辣醬撈麵，初時都有擔心係無餸底下個麵會唔會好寡，但係出到黎既效果真係好好，賣相就好似炸醬麵咁，辣醬加埋少少肉碎撈入麵，入口微辣，帶少少麻，打開外賣碗既時候仲散發出陣陣香味，除此之外，因為無湯既關係，「干拌麵」無湯米線咁熱，大熱天時食都幾適合。不過，食完D咁濃味既野之後記住要飲返D野或者食返粒薄荷糖清返個口啦。