張生記 (已結業)

爸爸生日，決定搵間精美啲既中菜同佢慶祝一下，最後俾張生記個老鴨湯吸引左主要想試佢個老鴨湯，我地點左三潭印月宴，不過店員話龍蝦只淨兩個，我地四個人，轉左兩個鮑魚前菜海哲爽口，青瓜新鮮，少少辣好開胃墨魚腸應該係墨汁墨魚膠同墨魚肉整成，食落好香墨魚味招牌老鴨湯，湯最緊要夠熱，呢度做得非常好👍🏻，湯好濃味，但唔油膩，仲好多料，有鴨肉、筍絲、花膠、金華火腿，熱辣辣但都好快俾我清左，好味，果然係招牌菜用上本地龍蝦，蝦肉好爽甜，估唔到同麻婆豆腐咁夾，豆腐又滑又有豆香東坡牛肉煮到好腍，牛肉香味同個汁好配合，南瓜餅煙煙韌韌又唔太甜，可以消除肉既油膩感平平無奇既荷塘小炒，估唔到係全晚最驚喜既一道菜，蓮藕同豆又嫩又新鮮，加上煙韌芡實，令人食個不停，火候用料一流，超喜愛呢道菜蟹粉小籠包，湯汁好鮮甜，又唔會太重蟹味食唔到肉味，做得好好，可惜一人只有一只，唔夠喉酒釀丸子都好出色，桂花清香與酒香，配上蛋白、丸子，為整晚菜式劃上完美句號