江南瀨粉 (福榮街) (已結業)

大食鬼上身，今晚要食埋宵夜先可以安落瞓。 深水埗真係好難泊車， 所以隨意就泊喺街邊看住架車食野就算啦。 今次試咗呢間江南瀨粉， 鋪頭好多圓枱， 冷氣亦都好充足。最正就係自己落單比夥記， 啱曬啲宅男宅女。瀨粉係沾米粉做成嘅， 比較粗身， 入口都好爽滑。 食物嘅選擇都有好多， 淨係湯底都可以揀清湯味、蕃茄味、麻辣味同酸辣味…… 老公揀咗清湯味，我就揀咗麻辣味。 嚟到嘅時候我覺得清湯係正啲， 非常鮮甜。餸菜方面我哋食咗墨魚丸、豬膶、 鵝腸同水餃。 墨丸食得出係手打嘅， 十分爽口。 豬潤真係好出色， 起曬沙而且唔老， 鵝腸不過不失， 水餃就一般啦。