影片
更多
2021-06-29
2866 瀏覽
之前2020聖誕節book過，點知6pm後禁堂食被迫取消，事隔半年終於一償心願啦！Order左深燒牛盛，有一口霜降牛、金菇牛肉卷、牛脷、特級安格斯、牛頸脊、鹿兒島A4和牛。順帶一提，啤酒做緊promotion $88 買二送一，食燒肉當然要beer 一beer 佢啦！另外醬料每人揀一款$5/位，我地就揀左深燒豉油同埋懷舊沙嗲醬！和牛油花棉密，入口即溶，滿口油滋滋但完全冇肥膩嘅感覺，真係高層次嘅享受！另外都好鍾意特級安格斯，肉質結實多汁。串好左嘅一口霜降牛燒起嚟好方便，一粒一啖，正！牛脷喺處理上要比較小心，薄簿一塊嘅關係一唔留神好容易overcook變得乾爭爭，都幾考功夫！金菇黃牛卷加深燒豉油做醬汁真係無敵！我同朋友都係第一次食爐端燒，難免有d雞手鴨腳～哎呀呢個要點燒? 你估舊肉熟未? 哎呀搶火呀！嘈到不得了～呢間小店嘅職員都真係好貼心，見我地搞唔掂成日都會主動過嚟幫我地，所以我地越燒越上手！肉類方面，仲order左鹿兒島豬腩，油脂滿滿，似爽口彈牙版嘅傳統燒肉！雞皮控朋友初嘗自己動手燒雞皮，見住佢enjoy無比個樣真係勁好笑！另外年糕、日本小甜薯同深燒飯團都係必食之選。窩心嘅店主仲提醒我
Order左深燒牛盛，有一口霜降牛、金菇牛肉卷、牛脷、特級安格斯、牛頸脊、鹿兒島A4和牛。順帶一提，啤酒做緊promotion $88 買二送一，食燒肉當然要beer 一beer 佢啦！另外醬料每人揀一款$5/位，我地就揀左深燒豉油同埋懷舊沙嗲醬！
深燒牛盛
$248
8 瀏覽
0 讚好
0 留言
和牛油花棉密，入口即溶，滿口油滋滋但完全冇肥膩嘅感覺，真係高層次嘅享受！另外都好鍾意特級安格斯，肉質結實多汁。串好左嘅一口霜降牛燒起嚟好方便，一粒一啖，正！牛脷喺處理上要比較小心，薄簿一塊嘅關係一唔留神好容易overcook變得乾爭爭，都幾考功夫！金菇黃牛卷加深燒豉油做醬汁真係無敵！
我同朋友都係第一次食爐端燒，難免有d雞手鴨腳～哎呀呢個要點燒? 你估舊肉熟未? 哎呀搶火呀！嘈到不得了～呢間小店嘅職員都真係好貼心，見我地搞唔掂成日都會主動過嚟幫我地，所以我地越燒越上手！
肉類方面，仲order左鹿兒島豬腩，油脂滿滿，似爽口彈牙版嘅傳統燒肉！雞皮控朋友初嘗自己動手燒雞皮，見住佢enjoy無比個樣真係勁好笑！
另外年糕、日本小甜薯同深燒飯團都係必食之選。窩心嘅店主仲提醒我地年糕同深燒飯團要擺係四個角落燒，而且唔使反得咁密，如果唔係好易散。飯團本身已經有味，燒起嚟外層微焦脆卜卜好過癮。日本甜薯真係超香超甜，頂呱呱！
6 瀏覽
0 讚好
0 留言
11 瀏覽
0 讚好
0 留言
仲有玉子燒同茄子，茄子燒到咁上下加一層厚厚嘅蒜蓉再燒，簡直令味道昇華！
9 瀏覽
0 讚好
0 留言
今餐真係好滿足，既好玩又好味，食物同服務質素都一流，係encore之選！如果想慢慢吃建議平日去小店，因為假日booking較 full，分6-8pm及8-10pm時段，食得慢嘅朋友可能會有D趕～
張貼
