九運來粉麵世家 (已結業)

我一向都係粉麵愛好者，一直都想發掘唔同嘅港式粉麵店。今日搵到一間性價比高，價錢合理嘅小店。最招牌就係崩沙腩，不過一定要早啲嚟，否則就會賣曬🙂‍↕️ 招牌雙沙粗麵 $67 難得嚟到梗係要食招牌😼 今日有牛坑腩+牛沙瓜，賣相比我預期中更精緻。湯底唔會太濃，但亦唔會淡如水。粗麵彈牙，層次分明。牛坑腩口感較軟，肉味較濃，而牛沙瓜煙韌，比較含蓄嘅味道！麻辣墨魚鬚 $52叫咗小辣，墨魚鬚係一口size，非常爽口，有少少辣味點綴，適合兩個人分享！