影片
更多
2021-04-23
5512 瀏覽
牧羊少年咖啡館喺2012年開業以嚟已經有超過五間分店, 可以話係街知巷聞, 但我從來都未食過🤣 知道開咗港島區第一間分店, 地點就腳, 放工約朋友食飯就啱晒! 大約7pm, 餐廳已經開始有人等, 但餐廳安排入座流程都幾順暢, 唔駛等好耐。蒜蓉牛油炒鬼佬雜菜 $68時令雜菜種類多, 清新之選燒汁焗八爪魚丸 $68本身以為係章魚小丸子, 原來真係放湯嗰種八爪魚丸, 成粒即炸彈牙, 燒汁開胃!炙燒荷蘭汁豬肉排 $78餐廳採用嘅部位脂肪少, 肉質嫩滑juicy。荷蘭汁入口creamy唔膩, 無諗過呢個配搭咁夾!千島海鮮薄餅 $138比起茄醬或燒烤醬, 我更鍾意千島醬做底嘅Pizza, 餅底厚薄適中, 隻蝦大隻又爽口士多啤梨窩夫配雲呢拿雪糕 $108健康關係特別吩咐餐廳走糖霜同jam。窩夫外脆內軟, 口感鬆化, 食完都唔會覺得好濟, 難怪有啲客人喺晚飯後嚟食甜品! 另外叫咗兩杯茶(洋甘菊, 生薑檸檬)解渴。服務員態度有禮, 又好主動執枱換餐具, 整體晚餐非常滿意, 每道菜都好高質!
大約7pm, 餐廳已經開始有人等, 但餐廳安排入座流程都幾順暢, 唔駛等好耐。
蒜蓉牛油炒鬼佬雜菜 $68時令雜菜種類多, 清新之選
燒汁焗八爪魚丸 $68本身以為係章魚小丸子, 原來真係放湯嗰種八爪魚丸, 成粒即炸彈牙, 燒汁開胃!
燒汁焗八爪魚丸
33 瀏覽
0 讚好
0 留言
餐廳採用嘅部位脂肪少, 肉質嫩滑juicy。荷蘭汁入口creamy唔膩, 無諗過呢個配搭咁夾!
炙燒荷蘭汁豬肉排
34 瀏覽
0 讚好
0 留言
比起茄醬或燒烤醬, 我更鍾意千島醬做底嘅Pizza, 餅底厚薄適中, 隻蝦大隻又爽口
士多啤梨窩夫配雲呢拿雪糕 $108健康關係特別吩咐餐廳走糖霜同jam。窩夫外脆內軟, 口感鬆化, 食完都唔會覺得好濟, 難怪有啲客人喺晚飯後嚟食甜品!
另外叫咗兩杯茶(洋甘菊, 生薑檸檬)解渴。
服務員態度有禮, 又好主動執枱換餐具, 整體晚餐非常滿意, 每道菜都好高質!
張貼
