Joyful Dessert House (已結業)

晚飯過後想搵甜品食，忽然好想食心太軟，好唔容易先係銅鑼灣鬧市中搵到呢間米芝蓮推介既甜品鋪。朱古力心太軟:雖然近年黎心太軟既款式越出越多，除左典型既朱古力之外，綠茶，香蕉等等都相當出名，但係我此終都係喜歡食最傳統既朱古力心太軟。心太軟係即叫即整，所以等候需時，剛焗起既心太軟，外脆內軟，切開心太軟後，香濃既朱古力漿就慢慢流出，甜度適中，再配埋香滑既雲尼拿雪糕，冷熱交替，感覺真係好特別。芒果窩夫窩夫烘得剛剛好，入口非常鬆軟，唔會過硬，配埋芒果雪糕同好香甜既芒果粒一齊食，令人越食越開胃。雖然附送糖漿，但係個人認為唔洗落都已經夠甜啦。