東來順

營業中

休息中

東來順，中午飲茶同晚餐都試過，就係未試過呢度出名既火鍋，羊肉火鍋，今次一試，果然不同凡嚮。經理介紹，牛尾煲，肉質非常好非常冧，一咬就離骨，但我就覺得味道太甜。羊腰窩同薄切羊肩，果然無令我失望，加上東來順清湯雞鍋，羊既騷味唔太重但味道口感都非常濃郁，但係羊肉卷就普通，無乜特別。牛坑腩，牛本身質料非常好，唔太肥但好冧身，令人回味，其實和出面啲牛腩專門店比，有過之而無不及。最後叫左個4色圓，由於太飽，只食左一粒豬肉圓就停手 ，不過，豬肉圓入口就散開溶化，都幾好喎，其他就無食到，唔知味道如何。