良鮨壽司

營業中

休息中

大埔呢間壽司店都新開咗好耐🤣朋友都推薦咗我幾次，所以今次終於同家人嚟堂食！😍因為當日落大雨，所以人流唔算多，但亦有不少客人買外賣。朋友推薦我叫二人餐，豐富又好味。【良鮨冬季二人餐】🔸磯煮鮑魚冷豆腐鮑魚煮得入味軟腍同豆腐質感好夾配。加咗木魚更添香味。🔸北海道生蠔生蠔超大隻肉質肥美 ，冰鎮即開，鮮味十足，加入特製酸啫喱、蘿蔔泥同檸檬汁，味道層次更昇華。🔸三文魚、大拖羅厚切刺身，油脂豐腴，拖羅入口即融，好想encore！🔸時令飛機魚壽司共8件4款壽司，新鮮空運魚生，包括鯛魚、池魚、鯖魚、黑鯥。黑鯥肥美帶甜，炙燒過更香。🔸魚奶湯魚湯味道鮮甜，加埋京蔥好香。🔸安格斯牛肉金菇卷煎得焦香，金菇爽口，牛肉煙韌多汁，點上美奶滋更滋味。🔸鹿兒島雞翼雞翼外皮香脆，肉質嫩滑多汁。🔸厚切牛舌牛舌都好厚，外圍燒得爽脆，中間夠軟腍，唔會韌到咬唔到。🔸海膽海鮮炒飯食到呢道已經好飽。但我地都食埋個炒飯，因為炒飯炒得好靚，粒粒分明。上枱時聞到陣陣香氣。海膽鮮甜唔腥。🔸花膠湯最後師傅請我地飲。清甜的花膠湯，入面仲有花膠同花菇。🔸雪糕飽到撐嘅情況下，原來仲有飯後甜品雪糕食～