牛奶冰室 (順福糧倉)

營業中

休息中

牛奶冰室嘅早餐好抵食🤝🏻不過好唔好食就見仁見智啦😂😂今次同小朋友兩個人食一個蕃茄碎牛福麵，早餐包飲品再加新出嘅芝士拉絲菠蘿包$22，埋單都係$70有找！元朗區內都算平。講吓拉絲菠蘿包先，可以揀凍或熱上，唔係好明凍食係點拉絲😂穩陣啲揀返熱嘅，芝士係鹹+菠蘿包係甜😳感覺有啲奇怪，不過一試無妨😃但係佢個蕃茄肉醬福面就好一般，可能食唔慣福面比較生同硬😢又食唔到啲肉碎。。。蕃茄味都唔係好夠，係勝在早餐包埋飲品、多士同炒蛋，價錢唔貴，不過質素一般。一坐低除咗有職員俾QR code落單，之後基本上冇乜人理你🥲想搵洗手液或者濕紙巾抹手都冇，服務有待改善，要去廁所又要出返門口轉入商場，都幾唔就腳。