影片
更多
2020-07-21
498 瀏覽
本身好少專登搵川菜食，不過見近期好多食酸菜魚專門店，我又未食過，一直都好想試。話晒第一次只想小試牛刀，所以就選有提供酸菜魚lunch set的「十二味」，分量冇咁多。十二味有好幾間分店，但事前做功課時又發現好似唔係間間都一樣menu，穩陣起見就來了一定有酸菜魚lunch set的北角店。佢嘅lunch set幾抵，大概四十幾至六十幾蚊，唔駛加一，包埋前菜、飯同飲品。酸菜魚（$68）可選辣或者唔辣，我要小辣。上菜時畀個大碗嚇親，午餐來講分量絕對唔少，魚片大約有十塊左右，而且都算大塊，全部啖啖肉，完全冇骨，又滑，問過侍應姐姐，佢話應該係鱸魚。酸菜都畀得唔少，酸度剛好，唔會好嗆喉，仲有少少甜甜地。湯汁酸得來帶輕微辣，食多兩啖就感覺到佢的麻，越食越刺激。口水雞（$48）原來係凍食的，表面浸住辣油好似好辣，但同酸菜魚一樣，係麻多過辣，而且有花椒八角嗰種香味，如果係熱食應該會更好，而雞件質感尙可，唔算好滑嫩。不過我最欣賞，始終係嗰碟前菜涼拌土豆絲，爽口之餘酸酸地好醒胃，好想單點一碟。以第一次食酸菜魚經驗，係頗滿意，魚肉好滑，酸酸辣辣好啱呢個天氣食，性價比亦好高，待疫情緩和，大家不妨考慮一試。
話晒第一次只想小試牛刀，所以就選有提供酸菜魚lunch set的「十二味」，分量冇咁多。十二味有好幾間分店，但事前做功課時又發現好似唔係間間都一樣menu，穩陣起見就來了一定有酸菜魚lunch set的北角店。
佢嘅lunch set幾抵，大概四十幾至六十幾蚊，唔駛加一，包埋前菜、飯同飲品。酸菜魚（$68）可選辣或者唔辣，我要小辣。上菜時畀個大碗嚇親，午餐來講分量絕對唔少，魚片大約有十塊左右，而且都算大塊，全部啖啖肉，完全冇骨，又滑，問過侍應姐姐，佢話應該係鱸魚。酸菜都畀得唔少，酸度剛好，唔會好嗆喉，仲有少少甜甜地。湯汁酸得來帶輕微辣，食多兩啖就感覺到佢的麻，越食越刺激。
口水雞（$48）原來係凍食的，表面浸住辣油好似好辣，但同酸菜魚一樣，係麻多過辣，而且有花椒八角嗰種香味，如果係熱食應該會更好，而雞件質感尙可，唔算好滑嫩。
不過我最欣賞，始終係嗰碟前菜涼拌土豆絲，爽口之餘酸酸地好醒胃，好想單點一碟。
以第一次食酸菜魚經驗，係頗滿意，魚肉好滑，酸酸辣辣好啱呢個天氣食，性價比亦好高，待疫情緩和，大家不妨考慮一試。
張貼
