渝味曉宇重慶老火鍋 (新城市廣場) (已結業)

約咗朋友係沙田睇傢俬，又好想打邊爐，就發現呢間渝味曉宇，就book咗位晚市。 佢晏就打電話黎confirm booking。環境都幾舒適， 2個人呢講，座位都算歡堂。用QR code落單。未叫嘢食之前，每人有一碗雪耳糖水！我哋點左鴛鴦鍋，一邊係大骨湯一邊係重慶麻辣。我朋友食得辣🌶🌶🌶，佢就覺得唔夠辣， 我一開始就覺得啱啱好，之後愈食愈辣，但係都好過癮。再後期......我都集中返係大骨湯🤣🤣，呢個叫鴛鴦鍋嘅好處。我地叫左聖子、牛舌、萵筍片、乾貢菜、毛肚、牛心椗、重慶耗兒魚、苕粉、鴨血、黃金菇同重慶炸酥肉。因為得2個人，好多樣都叫半份，試多啲唔同嘢食。乾貢菜食落嘅感覺新鮮，十分脆口。黃金菇同金菇冇咩太大分別。苕粉吸晒麻辣湯d味😋！牛心椗冇咩味大部份嘢食都有個牌仔寫住要淥幾多分鐘，另外每張枱都有個Timer。洛神花茶賣晒，唯有叫左一渣羅漢果茶。甜品叫左一入到去就想叫嘅紅糖糍粑！煙煙韌韌，加埋紅糖，真心鍾意食！