和三昧

營業中

休息中

初次嘗試日本料理-鐵板燒，三人行係為慶祝生日嚟和三味食，餐廳環境優雅，服務員態度好，樂於推介，第一次食所以沒有特別指定鐵板燒師傅。今次食左一個三人前套餐、雜錦天婦羅、炒金菇。澳洲大鮑魚燒完都好軟身好，唔需要特別調味都已經好好食，好鮮。法國鵝肝多士，由於鵝肝缺貨已經表明用鴨肝代替，但鴨肝質感都唔差，配上多士，感覺一流。螢光魷魚配菜，好特別，兩小條螢光魷魚味道好鮮。三人前套餐選擇兩大蝦及一北海道貝柱，大蝦爽口，北海道貝柱新鮮爽甜。清酒煮蜆簡直一流，非常鮮甜，蜆肉脹卜卜多汁，湯汁充滿蜆肉鮮味。麵豉醬燒豆腐、燒茄子、燒南瓜，香脆可口。薄燒澳洲和牛入口即溶，和牛包裹油爆香蒜及蔥，配搭完美。至於，厚燒澳洲和牛肉汁豐富。炒飯配少量和牛碎、煙肉碎及蛋炒成，口感豐富。