櫻木 (裝修中)

幾個月前光臨過櫻木一次，當時印象不俗，食材質素上佳。今晚再度光臨，一嚐呢度既omakase。前菜有兩款，日本茄子同南瓜沙律。刺身有四款，先上既係吞拿魚、北海道牡丹蝦同埋鱈魚白子。櫻木用料新鮮早係意料之中，所以牡丹蝦同吞拿魚質素自是不在話下。印象深刻既係鱈魚白子，第一次試，好柔軟滑溜，入口即化，口感好得意一啲腥味都無！真係一試就愛上❤️❤️最後一款刺身係拖羅，十分豐腴，魚油甘香同紫蘇葉既香氣齒頰留香，久久不散味噌煮牛舌，十分軟腍入味，好好食！三文魚軟骨漬物，口感爽脆，酸酸甜甜毫無腥味，三文魚子同上次食既一樣高質！壽司，最好食係北海道海膽，平時唔係用呢款架，不過店員話貨源問題所以轉左，真幸運真係超級濃郁甘香，無腥味食完壽司都仲有個吞拿魚手卷，所以其實都好飽下再飲一碗溫熱既舞茸湯，十分溫潤，毫不油膩最後係一球芝麻味極香濃既雪糕，大滿足加埋一大約六百零蚊一位，作為入門級既omakase 係唔錯既選擇！