新橋世民私房菜 (已結業)

今日經朋友介紹去試一間私房菜，因為我從來都冇去過食私房菜，所以有d好奇同興奮而食物都係由廚師發板，所以都未知有咩食！一去到餐廳，環境幾舒服，以藍色為主。客人唔係好多，可以慢慢地靜靜地咁食飯。今日係食六道主菜，由廚師決定，可以試吓佢嘅首本名菜。首先，頭盤係有涼拌吞拿魚。味道酸酸甜甜，吞拿魚係輕微煎一煎，所以入面有刺身既質感。另外可能呢個係冷盤嘅關係，係面頭加左d薑絲，令到口腔有d微䁔既感覺。再嚟係椰子雪梨燉豬展湯，個湯煲得好清澈，味道非常之有驚喜，一般嘅湯都係濃郁既，但係呢個湯真係非常清甜可口，有滋潤嘅感覺。另外，雪梨同埋杞子都好爽甜。呢個係鍋貼小棠菜配白飯魚。呢個係幾特別嘅配搭，鍋貼個皮整得好薄好脆口，有少少似潮州壕仔餅嘅感覺，不過就比較爽口同香。而且白飯魚好少見到好肥美，整得好香脆，不過味道就清淡啲。再嚟係古法鹽焗雞，味道都係偏清淡，雞肉質地很嫩滑，充滿雞香！跟住係薑汁炒芥蘭，味道很清新，充滿薑汁香味，但係又唔會覺得好濃味，只有微微。菜很翠綠，新鮮。最後一味菜係黑松露稻庭麵，有非常之濃郁嘅黑松露香味，稻庭麵質地有少少似幼新既烏冬，煙煙韌韌又夠曬滑！總括嚟講，對於今次嘅新嘗試嘅私房菜，