影片
更多
2017-10-17
130 瀏覽
之前係facebook見到語命 cafe既影片, 介紹餐廳既有12星座飲品同餐廳食物, 最重要呢間餐廳既賣相之一就係可以占卜,我呢個充滿好奇心既人緊係一定唔會難過啦！於是放左工就同朋友去左旺角去試下呢間餐廳, 佢既地理位置好方便, 就係係先達廣場旁邊。我地上到去職員都好有禮咁招呼我地同為我地介紹12星座飲品, 餐牌中主要分左主菜、小食、沙律同飲品。我同朋友就叫左兩份意粉(分別係香蒜虎蝦炒意粉同忌廉煙三文魚闊條麵)同埋小食拼盤, 飲品我地就叫左屬於自己星座飲品。先講飲品方面, 我就點左水瓶座-抹茶沙冰,發現係水瓶座杯墊, 好有心思!抹茶味都幾濃郁, 而家天氣咁熱, 飲番杯沙冰真係透心涼,簡直人生一樂也!小食拼盤有炸魚薯條、炸蠔、炸蝦同雞翼, 非常豐富,而且好大份! 佢既賣相已經好吸引,炸得恰到好處,香脆而不膩, 食得出全部都係即叫即炸, 熱辣辣!炸魚同炸蝦非常鬆脆, 蝦肉好彈牙。炸蠔裡面鎖住所有蠔汁, 相當相當juicy! 口腔充斥住蠔味!薯條係粗薯, 口感豐富! 而且仲有一小份沙律, 作一個中和作用。之後主菜都黎喇!!!值得推介既係香蒜虎蝦炒意粉, 一份意粉已經有7隻蝦,隻隻都好大隻,
於是放左工就同朋友去左旺角去試下呢間餐廳, 佢既地理位置好方便, 就係係先達廣場旁邊。
我地上到去職員都好有禮咁招呼我地同為我地介紹12星座飲品, 餐牌中主要分左主菜、小食、沙律同飲品。
我同朋友就叫左兩份意粉(分別係香蒜虎蝦炒意粉同忌廉煙三文魚闊條麵)同埋小食拼盤, 飲品我地就叫左屬於自己星座飲品。
先講飲品方面, 我就點左水瓶座-抹茶沙冰,發現係水瓶座杯墊, 好有心思!抹茶味都幾濃郁, 而家天氣咁熱, 飲番杯沙冰真係透心涼,簡直人生一樂也!
小食拼盤有炸魚薯條、炸蠔、炸蝦同雞翼, 非常豐富,而且好大份! 佢既賣相已經好吸引,炸得恰到好處,香脆而不膩, 食得出全部都係即叫即炸, 熱辣辣!炸魚同炸蝦非常鬆脆, 蝦肉好彈牙。炸蠔裡面鎖住所有蠔汁, 相當相當juicy! 口腔充斥住蠔味!薯條係粗薯, 口感豐富! 而且仲有一小份沙律, 作一個中和作用。
之後主菜都黎喇!!!值得推介既係香蒜虎蝦炒意粉, 一份意粉已經有7隻蝦,隻隻都好大隻, 好足料, 虎蝦好鮮味, 肉質結實彈牙。本人好鍾意蒜既食物, 呢個意粉既蒜味好香, 意粉好彈牙, 值得一試。
忌廉煙三文魚闊條麵, 有好香濃忌廉味, 煙三文魚擺成花既形狀,別出心裁,煙三文魚好有咸香味。
最後我地仲有占卜, 占卜師好nice, 好耐心解答。
下次都要帶埋朋友黎又食又占卜先!
抹茶沙冰
3 瀏覽
0 讚好
0 留言
小食拼盤
5 瀏覽
0 讚好
0 留言
香蒜虎蝦炒意粉
3 瀏覽
0 讚好
0 留言
忌廉煙三文魚闊意粉
1 瀏覽
0 讚好
0 留言
張貼
