影片
更多
2023-01-13
69 瀏覽
今日去嘅餐廳喺荃灣內街啲嘅位置，估唔到呢個位都有CP值高嘅餐廳，見佢平日夜晚都滿座㗎。餐廳裝修都比較偏向日式，有溫馨嘅感覺。我地叫左 初見香草吉列牛($138)同安格斯牛肉鍋($88)。香草吉列牛一上都嚇一嚇，因為無諗過真係一大條牛肉上，本來以為只會得幾舊。香草吉列牛要自己燒，鍾意幾熟都得，都鍾意呢啲有得自己DIY玩下咁。香草味道唔會太搶，依然食到牛嘅味道，肉質都唔會太過韌，呢個價錢上咁大條牛都抵了。另外一提溏心蛋都唔錯，蛋黃唔會太過熟，有甜甜流心嘅感覺。安格斯牛肉鍋份量都幾啱啱好，本來鍋裏面都已經有啲火鍋配料，好似娃娃菜、金菇、芋絲，欣賞佢放埋蒟蒻喺入面，平時都好少見。牛肉每塊都好大塊，每塊都遠超我手掌嘅長度，放落去淥幾十秒就已經食得，牛肉肥瘦都好均勻，我鍾意點埋佢個醬汁先食，唔錯！兩個人埋單都係$226，又有得食又有得玩，呢個價錢CP值都叫唔錯，大家去開荃灣都可以試下～=初見 // 荃灣海壩街22號華達樓地下F號舖 // 3590 4277=
香草吉列牛一上都嚇一嚇，因為無諗過真係一大條牛肉上，本來以為只會得幾舊。香草吉列牛要自己燒，鍾意幾熟都得，都鍾意呢啲有得自己DIY玩下咁。
香草味道唔會太搶，依然食到牛嘅味道，肉質都唔會太過韌，呢個價錢上咁大條牛都抵了。另外一提溏心蛋都唔錯，蛋黃唔會太過熟，有甜甜流心嘅感覺。
安格斯牛肉鍋份量都幾啱啱好，本來鍋裏面都已經有啲火鍋配料，好似娃娃菜、金菇、芋絲，欣賞佢放埋蒟蒻喺入面，平時都好少見。
牛肉每塊都好大塊，每塊都遠超我手掌嘅長度，放落去淥幾十秒就已經食得，牛肉肥瘦都好均勻，我鍾意點埋佢個醬汁先食，唔錯！兩個人埋單都係$226，又有得食又有得玩，呢個價錢CP值都叫唔錯，大家去開荃灣都可以試下～
=初見 // 荃灣海壩街22號華達樓地下F號舖 // 3590 4277=
張貼
