必勝客至Hot外送速遞 (非門市)

營業中

休息中

由於見到電視廣告見到有新款薄餅推出，所以我們今晚叫咗「必勝客至Hot外送速遞」返屋企食！我們叫咗個4-5人套餐，我們選擇咗海洋趣脆大批嘅賣相好色彩繽紛吸引，材料有爽口嘅大蝦、軟滑嘅珍珠帶子、爽滑嘅魷魚圈、香脆嘅墨西哥薄脆、香甜嘅蜜桃等等等等⋯⋯夾埋鬆軟嘅厚批一齊食，令到口感更加豐富！意式鷄皇意粉嘅意粉都幾煙韌彈牙，鷄肉都幾大件同軟滑厚身！咖哩鷄肉飯嘅米飯好軟熟，撈埋惹味濃郁嘅咖哩汁一齊食，真係好正呀！蜆肉焗薯蓉嘅薯蓉好軟滑，今次嘅蜆肉比之前食過嘅大隻，肉質好鮮甜彈牙！