一條腸粉 (已結業)

禮拜日旺角道天橋聚集了人來人往的行人和遠走他鄉的菲律賓姐姐，從天橋向下望，就見到個好搶眼嘅招牌，佢就係一條X腸粉行落天橋再認真睇吓知道係間潮式小館，而潮州菜係我鐘意嘅嘢，試新嘢嘅心態促使我行入呢間小店。餐牌唔複雜，就以下呢個牌面，簡單明了。我和朋友各自點咗一份潮式腸粉，仲有手打馬鮫魚丸，菜茶，海豐小米，扁實。呢個就係汕尾菜茶，原屬節日食品，亦有“添丁”之意。現成為某些潮汕餐館一味特色菜，由7種以上青菜，各种肉丁，蝦丁，菇粒，魷魚粒組成，再加上白雪雪的炒米及滾盪豬骨湯形成一道色，香，味俱全的菜式。呢個就係潮式腸粉加強版，除咗軟滑腸粉外，仲加啖啖好味嘅帝皇蟹柳及蠔仔。扁實，亦即係雲吞，潮式嘅餡係冇蝦㗎，記住吖。跟住就係我點嘅富豪級腸粉，内有栗米，菜脯同埋我喜歡嘅彈牙，鮮甜蟶子王。『海豐小米』别名薯粉餃，亦即係用薯粉包嘅餃子，餡就係由豬肉及大地魚组成，所以吃落有啖啖魚香味係汕尾，海豐地區代表性小食之一。