金麗星酒家 (裝修中)

有老細請食飯，不過其實我都有份出錢，不過我課一舊，佢埋單咁解，最後唔知幾錢嘅，不過都應該唔平啦。入正題，今晚去咗太子果間金麗星食蒸氣火鍋，佢就好似一般酒樓食任食火鍋咁，寫紙畫野。有龍蝦有魚有帶子等，一般海產類。重有牛，豬，雞等，都幾多款式。開餐第一樣食最好果樣開個頭先，不過個頭開壞咗。蒸完黎食先知啲龍蝦唔新鮮，肉就霉霉地，叫個經理黎理論有冇得換過兩隻佢話龍蝦冇哂，最後換咗碟蟶子返黎。整體食物都一般，咁嘅質素重拎去蒸真係搵搞，食返小菜好過，起碼有醬汁遮咗，下欄野都可以上大枱。