必勝客至Hot外送速遞 (非門市)

營業中

休息中

今晚我們叫咗「必勝客至Hot外送速遞」返屋企食！我們叫咗個信用卡優惠4-5人套餐！有今期最新推出嘅飛魚籽三文忌廉芝脆批小龍蝦滋味大批嘅賣相都幾色彩繽紛吸引，個批焗得好香口脆身，而且好鬆軟，平日嘅批邊係極之多芝士嘅芝心批，感覺會好膩，但今次係飛魚籽三文魚，感覺好鮮味清新同創意十足，餡料嘅蝦肉好彈牙，仲有菠蘿同蕃茄等等等等，味道好香甜清新！吞拿魚煙肉腸長通粉嘅通粉都幾彈牙，煙肉腸嘅腸皮都幾脆身！意式鷄皇意粉嘅意粉麵質韌咗啲，鷄肉嘅肉質好鬆軟，而且都幾大件！鷄翼拼意式迷你腸嘅鷄翼唔會好油膩，肉質都幾軟滑！蜆肉焗薯客嘅薯蓉好軟滑，蜆肉嘅味道就有啲腥！蘑菇忌廉鷄湯都幾香滑濃郁！車厘茄薯仔沙律嘅沙律菜都幾新鮮，但紫色椰菜嘅味道就極之苦澀！