影片
更多
2018-04-12
2923 瀏覽
女友之前睇完網上有人介紹過呢間食店嘅夏威夷魚生飯。而一來筆者係附近返工，二來對魚生飯又情有獨鍾，所以星期五放工特登行去試下。地點方面要上一上斜路，加上第一次去唔太熟路，又揾咗陣先到。就咁睇門口真係普通小店一間，行過咗都真係唔知，如果堂食要坐低真係早啲，因為得四五個位左右，好彩咁啱有位。食物方面，啲魚生應該係吞拿加三文，再切粒然後混入不同嘅醬料。有四款口味，傳統辣味，特別加辣口味，泰式辣味，仲有個唔記得咗。咁兩個人每人兩隻味啱啱好，飯可選糙米，白米，沙律菜，或一款米加菜，健康啲揀咗糙米加菜。由於本身鍾意魚生飯，所以唔同口味嘅魚生，都覺得好食，而且有別於平食日式魚生嘅味道，都幾特別。但唔同口味嘅醬料就覺得分別唔算太大，但佢地有試食，可以試下再決定都未遲。總括而言，都算值得一試，中環地區黎講，呢個價錢都正常嘅。不過去食嘅話就預買外賣好啲，因為無乜位，所以唔好預期可以舒舒服服坐低食餐飯喇。(補充：一星期後再去除咗傳統同加辣，其其兩隻口味變咗麻辣味同薑蔥味，應該係不定時轉口味，呢兩隻口味更值得一試 )
地點方面要上一上斜路，加上第一次去唔太熟路，又揾咗陣先到。
就咁睇門口真係普通小店一間，行過咗都真係唔知，如果堂食要坐低真係早啲，因為得四五個位左右，好彩咁啱有位。
食物方面，啲魚生應該係吞拿加三文，再切粒然後混入不同嘅醬料。有四款口味，傳統辣味，特別加辣口味，泰式辣味，仲有個唔記得咗。咁兩個人每人兩隻味啱啱好，飯可選糙米，白米，沙律菜，或一款米加菜，健康啲揀咗糙米加菜。
由於本身鍾意魚生飯，所以唔同口味嘅魚生，都覺得好食，而且有別於平食日式魚生嘅味道，都幾特別。但唔同口味嘅醬料就覺得分別唔算太大，但佢地有試食，可以試下再決定都未遲。總括而言，都算值得一試，中環地區黎講，呢個價錢都正常嘅。不過去食嘅話就預買外賣好啲，因為無乜位，所以唔好預期可以舒舒服服坐低食餐飯喇。
(補充：一星期後再去除咗傳統同加辣，其其兩隻口味變咗麻辣味同薑蔥味，應該係不定時轉口味，呢兩隻口味更值得一試 )
254 瀏覽
0 讚好
0 留言
張貼
