小包包 (Fashion Walk)

營業中

休息中

星期日同老公出銅鑼灣Little Bao食晚餐。LB凱撒沙拉沙律菜爽脆，用炸蒜代替麵包粒。黑松露薯條薯條係幼薯，炸得脆，黑松露醬好香，份量十足。紫菜炸墨魚脆脆墨魚丸幾彈牙，熱辣辣。慢煮牛腩骨煎餃一咬就流汁，牛肉嫩滑，非常多汁。LB美式牛肉包由安格斯牛肉、洋蔥木魚沙律醬、車打芝士、番茄、大蔥紫蘇葉組成，用中式包夾住，別有一番風味。擔擔辣雞包呢個係每月限定既包，由炸三黃雞、擔擔辣醬、煙燻蒜辣醬、旺菜組成，食落口真係有擔擔麵既味道，辣雞炸得香脆，要注意真係非常之辣，嗜辣人士可以挑戰下。鹽味雪糕包個包似炸饅頭，唔油膩，加左焦糖醬，雪糕好快溶，要快啲食。綠茶雪糕包細細個，食兩個都得，岩晒做飯後甜品。飲品叫左1842 Island同Chrysanthemum Lemonade。