影片
更多
2011-09-23
45 瀏覽
鍾意食腸粉嘅朋友，冇理由唔認識渡船街文英樓”堂記”嘅老闆 - 鄒師傅。都唔記得幾時開始，食過鄒師傅嘅腸粉後，才知道原來腸粉係咁好食堂記每晚都幾乎座無虛席要食到鄒師傅嘅腸粉，起碼都要等半個鐘，人多的話，至少一個鐘雖然大熱天時，又冇冷氣，但係每晚都有唔少食客係度等食。一直以來，所有腸粉都係鄒師傅親手做，絕不假手於人，十年如一日；錢，我想是賺到的，但鄒師傅仍然堅持自己親手做，亦冇開分店，絕不會為咗賺多一點點，而犧牲食物嘅質素；反而這兩年，除咗星期日之外，連星期三都休息，我想鄒師傅都希望多一點時間休息吧了。腸粉，最緊要熱食，即叫即做，這點絕對難不到鄒師傅。皮要簿，皮太厚，就好似食粉皮，食唔到餡嘅味道；皮太簿，易鬆散，難夾起；鄒師傅對於皮嘅厚簿，掌握得非常好，夠簿但唔會散；眼見鄒師傅將米漿倒係拉布上，用手輕輕一撥，米漿就均勻地鋪滿成塊拉布。要軟滑，靠火喉，鄒師傅亦完全掌握蒸嘅時間，唔會太短，熟唔透；亦唔會太耐，唔夠滑。皮簿之餘，仲要餡靚，鄒師傅嘅餡料，並唔係什麼山珍海錯，但勝在夠心機和花功夫，每日鄒師傅都會預早剁碎所以餡料，所以鄒師傅做嘅腸粉，係唔需要花力氣去嚼，非常窩心，而且份量唔會預太多，避
都唔記得幾時開始，食過鄒師傅嘅腸粉後，才知道原來腸粉係咁好食
堂記每晚都幾乎座無虛席要食到鄒師傅嘅腸粉，起碼都要等半個鐘，人多的話，至少一個鐘雖然大熱天時，又冇冷氣，但係每晚都有唔少食客係度等食。
一直以來，所有腸粉都係鄒師傅親手做，絕不假手於人，十年如一日；錢，我想是賺到的，但鄒師傅仍然堅持自己親手做，亦冇開分店，絕不會為咗賺多一點點，而犧牲食物嘅質素；反而這兩年，除咗星期日之外，連星期三都休息，我想鄒師傅都希望多一點時間休息吧了。
腸粉，最緊要熱食，即叫即做，這點絕對難不到鄒師傅。皮要簿，皮太厚，就好似食粉皮，食唔到餡嘅味道；皮太簿，易鬆散，難夾起；鄒師傅對於皮嘅厚簿，掌握得非常好，夠簿但唔會散；眼見鄒師傅將米漿倒係拉布上，用手輕輕一撥，米漿就均勻地鋪滿成塊拉布。
要軟滑，靠火喉，鄒師傅亦完全掌握蒸嘅時間，唔會太短，熟唔透；亦唔會太耐，唔夠滑。
皮簿之餘，仲要餡靚，鄒師傅嘅餡料，並唔係什麼山珍海錯，但勝在夠心機和花功夫，每日鄒師傅都會預早剁碎所以餡料，所以鄒師傅做嘅腸粉，係唔需要花力氣去嚼，非常窩心，而且份量唔會預太多，避免隔夜，保持新鮮。
至於選擇，可以話多，亦可以話少，其實來來去去都係嗰幾種餡料，但係就可以有唔同嘅配搭；我個人就喜歡蝦米嘅香味，所以通常都係用蝦米做”膽”，再配其他餡料，今日就挑選咗义燒蝦米同燒鴨蝦米
餡料份量，不多不少，每碟腸粉，有三條，每條再切開三份，剛剛好一啖一份，餡料均勻地佈滿係九份腸粉入面，每一份都有餡，唔會出現冇餡嘅情況；豉油亦唔會太鹹或太甜，與有餡嘅腸粉匹配，唔會有喧賓奪主嘅感覺出現。
除腸粉之外，堂記亦有粥提供，未知是否鄒師傅親自煲，但係當你等緊腸粉嘅時候，食番碗粥，都係一個唔錯嘅選擇但我個人對於粥就唔太喜歡，所以亦不便評價。
張貼
