古早味休閒台灣 (已結業)

近排四處搵好食嘅台灣甜品，台式剉冰、芋圓、仙草⋯⋯難得呢間餐廳有齊晒，當然要來試試佢。同朋友一共兩人點咗黑糖珍珠刨冰同手工綜合芋圓，一人一份。黑糖珍珠刨冰好足料，台式剉冰嘅冰塊比較大舊，所以食嘅時候都要用牙咬碎先得，唔似綿綿冰/韓式冰咁幼細；黑糖水甜度啱啱好，食完個刨冰好滿足。手工綜合芋圓至於芋圓，就有啲失望，芋圓煮得太硬身，因為係凍食緣故，放喺凍糖水裡面芋圓變得仲硬身，ummmmm冇咗芋圓本身嘅煙韌度t^t 要繼續努力搵好食嘅台灣芋圓。