首首.韓式小館 (已結業)

利東街夜晚行都幾靚幾休閒，而且開左唔少餐廳。同朋友推介食呢間首首韓式料理餐廳，食物質素都唔錯。自家制韓式煎蝦餅 $128一直好鐘意食蝦，見到佢有蝦餅即刻叫，果然冇令我失望。外脆內軟，口感彈牙。春川石板辣炒雞肉 $138辣得黎好易入口，雞肉嫩滑入味，年糕煙韌。傳統五色石鍋飯 $138熱辣辣再將材料攪拌既感覺好正，不過味道可以再濃d，同埋如果多d飯焦就好。石頭鍋年糕伴雪糕 $68呢個好有驚喜，煙韌加熱既年糕，配上凍冰冰既雪糕，係味覺享受。