一番風味 (已結業)

今日又要去灣仔上堂，經過灣仔道見到呢間一番風味，門面睇落都好光鮮企理，於是就同老婆走入去幫襯下。準備點餸，看看四周，發覺很多食客都有叫膏蟹粥，於是我們就叫咗一鍋試下。另外叫咗薑汁芥蘭，同埋黃金蝦。先嚟膏蟹粥，成隻蟹上，絕不欺場。另外粥嘅顏色唔係白色，係橙色! 就知道蟹膏嘅成分有幾多。 先試一口粥，夠曬熱辣辣。另外蟹肉都好鮮甜。跟住就嚟黃金蝦，上碟時見到有蝦頭同蝦尾，以為中間啲肉要剝殼，但當咬落口時發覺原來蝦身嘅殼已經搣咗，食落啖啖肉。呢一方面真係超細心同加分! 食埋薑汁芥蘭，真係捧住個肚走。另外這裏服務都好好，值得一讚!