Mad for Garlic (已結業)

一家人行完街，有D肚餓，揾D特別野食吓，呢間餐廳以garlic 做賣點，侍應笑容滿面，安排我地一張長卡位，環境都幾舒適。餐湯幾特别，白豆蓉和甘荀十分配合，有點中國老火湯口感，相當清新。龍蝦蟹肉意粉十分美味，白汁完全帶出海鲜既鮮味。牛扒五成熟，保留肉汁，配蒜頭山幾特别，蒜頭香而腍甜，口感有點像薯仔，難得食完口腔没有蒜頭味，抵讚! 鮮茄辣肉腸意粉幾惹味，蕃茄鲜味，辣肉腸不太鹹，食完才產生麻辣感覺，辣得嚟又可以接受。值得一提係朱古力香蕉蒜頭薄餅，甜點加上蒜頭真係幾有新鲜感，蒜頭和其他配料互相配合，餅皮薄脆香口。加上侍應講解及款待，相得益彰，係一間有創意和誠意的餐廳,值得推介。