奧壽司

營業中

休息中

今日去咗數碼港度野餐，本身未去過數碼港，但係原來個商場都有好幾間食店選擇。本身就鍾意食日本嘢，而家亦都未有機會去到日本，所以就揀咗間日本嘢嚟食一食。播住悠揚嘅日本歌曲，配埋日式嘅餐廳設計，真係恍似去咗一趟日本咁。🤩蟹+牛肉火鍋因為實在太肚餓，所以就帶咗個原隻嘅蟹同埋牛肉火鍋。日式嘅醬汁同埋牛肉非常搭配，配埋花點蟹。真係海陸嘅雙重享受。份量亦都唔少㗎，啱晒大食嘅朋友。天氣開始轉涼食個火鍋就暖笠笠。🤩帆立貝特上卷帆立貝非常新鮮，配埋呢個卷物，入面嘅材料有牛油果，又有三文魚子，都幾好食㗎。唯一要提醒嘅係，我假日來，都幾多人食，如果大家唔想等位嘅話，就要預約啦！