隼 (已結業)

今日陪個朋友去Megabox睇傢俬，上到九樓兒童樓層發現有間新開火車壽司，一定好受小朋友歡迎，見人去日本旅行，我哋流曬口水，二話不說衝入去睇下有幾好食。下午茶時間食客唔多，可以自己揀位坐，手機點菜好快送上。希靈魚刺身~爽口酸咪咪好開胃，食多件。炸軟殼蟹~即點即炸即刻食，十分香脆呀！芝麻手羽~炸芝麻雞翼，個個啱食。三文魚籽軍艦~三文魚籽粒粒入口一咬即爆。原條芝士穴子~原條鰻魚芝士壽司，鰻魚魚脂香味冇其他食物可以代替。炸雞烏冬 + 芝麻八爪魚~日本炸雞嘅粉漿特別美味，阿女鍾意食烏冬，仲有芝麻八爪魚，醬汁豐富。隼鮮丼 ＋ 三文魚~招牌刺身丼飯一定要點啦，新鮮美味，唔錯唔錯。