影片
更多
2020-12-10
223 瀏覽
❀ SENSU #銅鑼灣 ❀❗️刺激你的五感六覺 奇怪飲品配搭有驚喜❗️——————————————————每次行過銅鑼灣謝斐道都會俾佢嘅大大個「五感六覺」招牌吸引住🤩餐廳秉承為顧客提供「五感」——甜苦辣鹹鮮、「六覺」——視覺、聽覺、觸覺、嗅覺、味覺、知覺，推出最新嘅下午茶🫖同埋飲品系列！餐廳裝修簡約高貴，又係一個同朋友打卡嘅熱點📸食物質素尚算唔錯，某幾樣特別有驚喜，算係冇咁貴嘅下午茶之選。.新推出嘅下午茶有分普通版本同premium。普通版本就鹹點、甜點各四樣 $298/2，而premium就各有六款$438/2，多咗抹茶撻、精選蛋糕、和牛漢堡同埋和牛壽司。自己覺得premium都唔算太貴，而且多出嘅食物係相對出色，所以建議嘗試premium。不過留意番premium就只係平面擺盤，相反普通版本就有三層架‼️。.✷𝑀𝑒𝓃𝓊✷Premium afternoon tea set $438/2味道: 3.8/5 性價比: 4/5☞ 鹹點♥三文魚籽芝士酥♥牛油果蝦撻♥炸蝦多士♥迷你和牛他他壽司卷♥和牛春卷♥迷你和牛漢堡整體上鹹點味道有水準，造型亦唔錯。呢個價錢都用上和牛製作👍🏻牛味夠濃，漢堡亦非常
❗️刺激你的五感六覺 奇怪飲品配搭有驚喜❗️
——————————————————
每次行過銅鑼灣謝斐道都會俾佢嘅大大個「五感六覺」招牌吸引住🤩餐廳秉承為顧客提供「五感」——甜苦辣鹹鮮、「六覺」——視覺、聽覺、觸覺、嗅覺、味覺、知覺，推出最新嘅下午茶🫖同埋飲品系列！餐廳裝修簡約高貴，又係一個同朋友打卡嘅熱點📸食物質素尚算唔錯，某幾樣特別有驚喜，算係冇咁貴嘅下午茶之選。
.
新推出嘅下午茶有分普通版本同premium。普通版本就鹹點、甜點各四樣 $298/2，而premium就各有六款$438/2，多咗抹茶撻、精選蛋糕、和牛漢堡同埋和牛壽司。自己覺得premium都唔算太貴，而且多出嘅食物係相對出色，所以建議嘗試premium。不過留意番premium就只係平面擺盤，相反普通版本就有三層架‼️。
.
✷𝑀𝑒𝓃𝓊✷
Premium afternoon tea set $438/2
味道: 3.8/5 性價比: 4/5
Premium afternoon tea set
$438
37 瀏覽
0 讚好
0 留言
Premium afternoon tea set
$438
71 瀏覽
1 讚好
0 留言
☞ 鹹點
♥三文魚籽芝士酥
♥牛油果蝦撻
♥炸蝦多士
♥迷你和牛他他壽司卷
♥和牛春卷
♥迷你和牛漢堡
整體上鹹點味道有水準，造型亦唔錯。呢個價錢都用上和牛製作👍🏻牛味夠濃，漢堡亦非常多汁，用嚟整他他嘅生牛肉亦非常滑溜。
另外酥撻亦夠香脆，餡料混入左芝士、沙律醬等調味，都好難會唔好食🤣。
唯獨係炸蝦多士油咗啲，但大致上都算唔錯。
.
☞ 甜點
♥香桃奇亞籽乳酪
♥流心抹茶撻
♥精選蛋糕 芒果慕絲
♥雲卷 原味 松露朱古力
♥馬卡龍
♥英式鬆餅
甜品相對上冇咁特別😶都係一啲常見嘅款式。不過佢個流心抹茶撻就真係非常出色，非常香濃嘅抹茶，帶回甘唔會太甜，撻皮亦重牛油香🥰🥰🥰其他甜品都正常發揮，冇乜伏位，略嫌乳酪有啲普通。
.
☞ 特色飲品 Outside In collection
呢個係佢哋新推出嘅飲品系列✨富有健康嘅元素，再用趣味嘅方式呈現，每杯嘢飲都超級！配搭非常創新，而且出乎意料地夾👍🏻。
♥ Dream in the mud $88
紫薯、烏龍茶、海藻、奶、蜜糖
配搭好似非常奇怪，但飲落去主要係紫薯奶香，正正常常。
味道: 3.8/5 性價比: 3.8/5
Dream in the mud
$88
31 瀏覽
1 讚好
0 留言
♥ Marble florals $88
蕃茄、紅菜頭、桃、椰子水、熱情果糖漿
本身以為呢一杯會係大伏，點知係咁多杯之中最清新最好飲，每一款食材互相平衡，冇話邊個未到最突出，整體來講酸酸甜甜，推薦！
味道: 4.2/5 性價比: 4/5
Marble florals
$88
43 瀏覽
1 讚好
0 留言
♥ Golden mist $88
鳳梨汁、青檸汁、芒果汁、熱情果汁、粟米蓉、菊花、茉莉花茶、黑米茶
超多唔同水果同茶嘅配搭，飲落去清新酸酸甜甜，主要為鳳梨同埋熱情果味，帶點茶香，粟米味就唔太覺。
味道: 3.8/5 性價比: 3.8/5
Golden mist
$88
41 瀏覽
0 讚好
0 留言
♥ Wildfire $88
紅菜頭、紅火龍果、薑蜜、黑米茶
呢杯味道就相對冇咁特別，主要都係蜜糖嘅甜味，再有少少薑味。
味道: 3.6/5 性價比: 3.6/5
Wildfire
$88
21 瀏覽
0 讚好
0 留言
.
整體來講，下午茶水準不過不失，餐廳環境同埋食物擺盤都算靚，都幾適合同朋友嘆番個下晝。另外特別欣賞佢哋創新配搭嘅嘢飲，冇諗過呢啲奇怪嘅配搭都可以咁夾！就算唔食下午茶都建議試吓啲飲品💞！
張貼
