名朝特色火鍋 (已結業)

天寒地凍，最啱就係一班人打邊爐。講到打邊爐...就諗起之前去名朝食過，非常好食，值得再去！除咗打邊爐，仲有刺身，仲有最正既係甜品同小食好似自助餐咁自己出去拎，唔使等！刺身質素相當高，我最愛嘅三文魚非常厚肉肥美，甜蝦同虎蝦鮮甜冇雪味，朋友中意食蝦，喪吃不停！黑䐁肉肥瘦相間，肉質滑嫩，肉味濃郁，啱晒食肉獸！打邊爐點少得丸呢？！宜間火鍋店火鍋配料好豐富！蟹子丸、白魚蛋、龍蝦丸、芝心丸...應有盡有炸響玲非常脆，烚兩下就食得，方便快捷又好味！聽職員講宜間餐廳既響玲係每日自家製的！粉麵類種類非常多，出前一丁就已經有四種口味俾你揀！除左出前一丁，仲有烏冬、拉麵、幼麵等等...多到成個超級市場咁蔬菜都係自己出去雪櫃拎，全部都唔差，冇爛葉！啤酒汽水任飲，真係非常抵！心太軟即叫即整，綠茶味濃甜。但就冇綠茶既茶澀味，個人就覺得失色左啲