牛涮鍋もっと (已結業)

一向都係牛涮鍋fans嘅我，知道樂富開咗新店，仲有刺身食，當然會來試吓。今次有新湯底，我哋就試咗期間限定嘅惹味酸辣湯同檸檬梅子湯，惹味酸辣湯就配有酸菜、辣椒，夠哂刺激。另一款檸檬梅子湯就醒神開胃，加埋紫蘇葉夠哂清新解膩。百事壽喜燒冷麵汁都係第一次聽！同其他牛涮鍋分店一樣，呢度大部份配料都係需要自己去自取嘅，而呢度嘅選擇同其他分店都係差唔多。呢度嘅其中一個特別之處就係有刺身食，刺身都幾新鮮，而且都算厚切，非常大方。整體來講，呢度同其他分店一樣咁抵食，而且仲可以加錢食刺身，非常之有彈性，可以照顧到唔同顧客既需要。