大滿屋日本料理 (已結業)

辛勞過後，放工食餐好係必須要嘅！今晚喺觀塘搵食，諗唔到食咩，咁就不如去食放題～～今次揀咗大滿屋，7點到，仲未駛等位，店員好快就安排到卡位～環境幾好，卡位好闊，輕易轉身！放題嘅基本必食一定有刺身，第一次食大滿屋，佢哋嘅刺身好新鮮，又有好多款揀！魚刺身肥美，甜蝦爽甜，美味！壽司款式唔算好多，但勝在材料新鮮！配搭得好好！好食！熱食嘅雞亦炸得夠乾身，香脆、味道唔會過濃！牛柳粒炒得剛好熟，充滿肉汁，夠曬林！不得不提！！店員好有禮貌，keep住有笑容！晚市人多order多，上菜算快！唔錯！