鮮道樂 (已結業)

今日同朋友一大清早去咗元朗打波，跟住就一齊去食飯，我哋經過西菁街見到呢間鮮道樂門口個餐牌幾吸引，就入咗去食午餐。午餐嘅選擇都唔少喎，有平有貴，不過我好日都唔入元朗，今日就食貴少少。我哋叫咗兩個餐，包前茶，味噌湯，同汽水，如果想要其他飲品就要加錢。火山井，真係好大碗，海膽無鯹味，三文魚子粒粒脹卜卜，吞拿魚不錯，還有三文魚等。雜錦刺身定食，配紫菜珍珠飯，個飯好好味呀，刺身有三文魚、海膽、帶子、大蝦、油甘魚、劍魚腩，刺身好新鮮，隻蝦仲超級大隻！星期六去食竟然都唔使加一，抵食。